أرررررووووع وأجججججمل الـــــــــنـــــــــــكــــــــــــــت

من طرف **همسات الندى** الأربعاء مايو 18, 2011 4:39 pm

تاجر مخدرات راح يخطب واحدة فأبوها بيسأله انت بتشتغل ايه؟قال له فنى تكييييييييف

***************************

واحد شكله وحش اوي اوي راح يخطب بنت فقال لابوها ياعمي انا بلا فخر عملت نفسي بنفسي باباها قالو مانا برضو بقول دي استحالة تكون خلقة ربنا

***************************

واحد صعيدي اتخانق مع مراتة فنزل الشارع وركب تاكسى وقال للسواق وديني اخر الدنيا
مشي السواق في الصحراء وبعدين قال للصعيدى دي اخر الدنيا
نزل الصعيدى ومشي شويه قابل واحد بيقلوا انا حران من الشمس
رد الصعيدي قالو انا هريدي من الارض

***********************
واحد ندل- جورج قرداحي اتصل بيه وقال له معنا صديقك وصل نصف
مليون ريال محتاج مساعدتك
قالوا: قوله نايم

******************
صعايدة فى غواصة غرقوا ليه؟
سمكة خبطت عليهم راحو فاتحين

********************
مرة حماة أرادت اختبار اجواز بناتها، فاخذت الأول وعملت نفسها
اتزحلقت في البحر فنزل وراها وانقذها، تانى يوم وجد عربية بيجو ومكتوب
عليها "هدية من حماتك" وفعلت نفس الشئ مع الثانى فاحضر لها الاسعاف
ووجد فى تانى يوم عربية بيجو ونفس الرسالة، أما الثالث فسبها تغرق،
ففى اليوم التالى وجد عربية مرسيدس ومكتوب عليها "هدية من حماك"

*********************

الزوج: تعرفي يا حبيبتي كلمة(زوجة) بالبيزنطي تعني (يامتورط إصبر)
الزوجة: تدري يا حبيبي كلمة(زوج) بالإغريقي تعني: (مع التور للأبد)

**********************

بطيخة بتقول للخضار متخلوش البصل ييجي هنا علشان الناس بتطفش
البصل قالها شـــوفى نفسك يا صايعة اللـــي اى حد يطبطب عليكى تروحى معاه

************************
أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين

*************************

مرة واحدة قالت لابنها روح بارك لخالتك علشان هي ولدت ولد بس من غير ودان واوعي تجرحها بكلمة او تجيب لها سيرة عن ودان ابنها. قالها ماشي وراح الواد لخالته يباركلها علي مولودها فبيقول لخالته علي فكرة يا خالتو اكليه جزر كتير علشان الجزر مفيد للنظر. قالتله خالته مش مهم حتي لو نظرة ضعف اعمله نظارة. قالها المشكلة مش في النظارة ...المشكلة حيعلقها فين؟

**************************

مره واحد احول لبس في الجيش...... حطوه في قسم القصف العشوائي

***********************

أمين شرطة عنده ولدين جابوا الشهادات بتاعتهم كلها درجات زي الزفت وساقطين في
كل المواد أول ولد ..أول ما أبوه ما شاف الشهادة راح خلع الحزام وفضل يضرب
فيه ويشتمه ويعنفه ثاني ولد أول ما ابوه شاف الشهادة راح بص له
...كده وقال له ايه الدرجات ديه وحشة قوي شد حيلك الشهر الجاي تجيب درجات
.أحسن بعد ما مشي الولد الأول بيسال أخوه :هو إشمعنى ضربني وما
ضربكش راح قال له أصلي كرمشتله 10 جنيه وحطيتهاله مع الشهاده

**********************

اتنين حراميه دخلوا بيت
واحد منهم دخل البلكونه ، شوية وصاحب البيت دخل عليه فقالوه انت بتعمل ايه هنا؟ .. قاله انا كنت بحارب اليهود بالطياره و بدمر فيهم ، لحد لما طيارتي عطلت و انا نطيت بالبراشوت و نزلت في بلكونته . ..قاله ايوه كده تعجبنى ، مش التاني اللي قاعدلي في البانيو و بيقول علي نفسه من الضفاضع البشريه

***********************

واحدة اندونيسيه لقت مصباح علاء الدين ودعكته وطلعلها العفريت قالتله انا عاوزه فلوس كتير قالها اه مهو ده اللي كان ناقص امشي انجري اعمليلي كوباية قهوه

***********************

تلاتة محكوم عليهم بالاعدام
اول واحد فرنسى خيروه
بين المقصلة والمشنقة
اختار المقصلة عشان سريعة
...وعند تنفيذ الحكم عطلت
صلحوها عطلت تانى فقالوله
المرة التالتة لو عطلت تبقى براءة
فعطلت وطلع براءة
جه الامريكى بعد ما صلحوها
قال المقصلة عشان سريعة
لكن عطلت تانى وطلع براءة
الصعيدى جه يتشنق
الناس كلها عمالة تنادى
المقصلة المقصلة المقصلة
قالهم
عطلانة يابهايم

**********************

إلــى أن ألــقــــــــــاكــــــــــــــــم
لــكـــــــــــم مــنـــــــى كل الحب و الود و الــتــقــديـــــــــر